حكايتي

زين وهو بيضحك: هو انتي مش كنتي نايمه في حضني امبارح، ممكن اعرف انتي خرجتي من حضني ونمتي كدا ازاي

اعتدلت عليا وقعدت علي السرير وشعرها كله نازل علي وشها وتقريبا مغطيه

ضحك زين وقرب منها بعشق وهو بيبعد شعرها عن وشها

سألته عليا وهي شبه نايمه: بتعمل ايه يازين

زين وهو بيضحك: بشيل الستاره دي عن وشك

وبعد ما بعد شعرها عن وشها بصلها بعشق وهي كانت مغمضه عنيها وهي قاعده وشكلها كان يجنن بجد وڠصب عنه قرب من شڤايڤها وفتحت عليا عنيها بصدم#مه وهو بېقبـلها  وحاولت تتحرك وتبعد عنه وهي مش عارفه هو ايه الا حصل، لكنه كان بيضمها ويقربها منه اكتر وهي حقيقي متجمده بين ايديها وهو بيضمها وبيتعمق اكتر واكتر وبعد لحظات بعد عنها وهو بيبص علي شڤايڤها وشكلهم بعد قبلته بقى مغ0ري ليه اكتر وهي لسه مص0دومه وبتبصله وعنيها مش بتتحرك.. ضحك زين وهو بيهزها: ايه دا ؟ هي دي حاجه جديده غير الاغماء ولا دا استعداد قبل الاغماء ولا ايه

بصتله عليا وهي لسه مصډومه وزين عمال يضحك ويكلمها وبعد لحظات حركت عنيها وسألته: هو ايه الا حصل

ضحك وقالها: كدا الحمدلله طمنتيني ان مش هيغمى عليكي لان السؤال دا انتي ڈم ..ا تسأليه بعد ما تفوقي من الاغماء

حطت عليا ايديها علي شڤايڤها وهي مش فاهمه هو ايه الا حصل لانها كانت نايمه وفجأه فتحت عنيها علي تقبيل زين ليها

اطمن زين اكتر وعرف انها كدا مش هيغمى عليها واتكلم بمرح: كدا بقى في تطور الحمدلله يعني كمان مرتين تلاته وهتتعودي

عليا بدهشه: اتعود علي ايه

ضحك زين وهو بيبص لشڤايڤها ونفسه يقرب تاني بس خlېڤ يغمى عليها المرادي بجد واتكلم وهو بيقوم من جنبها: هبقى اقولك بس مش دلوقتي، المهم قومي اجهزي لانك هتيجي معايا مشوار مهم

عليا بفرحه زي الاطفال: هتخرجني

ضحك زين علي طفلته الجميله واتكلم بتريقه: اه وهجبلك حاجه حلوه كمان

وقفت عليا بسعاده وهي مش واخده بالها من تريقة زين وكانت واخده كلامه جد جدا وكانت فرحانه انه هيخرجها ويجبلها حاجه حلوه زي ماقال وزين كان مندهش جدا وحس ان عليا اتحرمت انها تعيش طفولتها وعشان كدا بتفرح زي الاطفال من اقل حاجه وخرج من عندها ورجع غرفته عشان يجهز وعليا جهزت بكل سعاده وهي متحمسه جدا وبعد ما جهزت سمعت دقات علي الباب وفكرت انه زين وفتحت لقته (الجد) واقف بيبتسم وهو بيبصلها بمرح: ممكن ادخل

عليا بابتسامه: اه طبعا اتفضل

بص الجد حواليه وسأل عن زين..ردت عليا بخجل: جاي دلوقتي هو لسه خارج من شويه

ضحك الجد: طب كويس عشان كنت عايز اتكلم معاكي في موضوع مهم

اتكسفت عليا جدا لانها كانت عارفه ان الجد هيتكلم في موضوع خطوبتها وجوازها من زين

الجد بابتسامه: عليا انا عايز اقولك ان زين بيحبك اوي بجد وان من يوم ما انتي دخلتي حيات زين دخلتي معاكي السعاده والضحك لحياته من تاني